الحل السحرى للوقت الضايع

وقتك من ذهب

· الاسئله الشائعه عند معظم السيدات

· انا وقتى ضايع ليه

· هوه شغل البيت مابيخلصش

· مش عارفه اعمل حاجه فى حياتى معنديش وقت

· انا مش عارفه اصلى واقرا قران

· مش لاقيه وقت لنفسى واولادى وزوجى

· الدنيا وخدانى

كل الاسئله دى بنسالها كل يوم وكل دقيقه ونلاقى عمرنا ضاع وتعدى سنين واحنا ما بنعملش حاجه غير رمى التهم على الوقت والزمن والتزامتنا اليوميه اللى وخدانه من المعنى الحقيقه للحياه

نخش فى الموضوع على طول

تفتكرى ليه ربنا حددلنا الصلاه كل صلاه فى وقتها ليه مش بشكل عشوائى

لان اساس اى حاجه فى الدنيا لازم يكون ليها وقت

وسبحان الله لو حافظتى على الصلاه فى اوقاتها

 بس ركزى انك هتصلى كل صلاه فى وقتها والتزمى بكده ااكدلك ان التنظيم الربانى والترتيب الروحانى والانجاز اليومى والدينى والنفسى هيكون معاكى

يعنى هتلاقى شغل البيت بيخلص فى وقت قصير جدا كان فى حد بيساعدك هتلاقى فى فى اليوم وقت لنفسك ولاولادك وبيتك وزوجك وشغلك كمان لو بتشتغلى

خلينا نتكلم بصراحه بتشتغلى البيت قد ما بتشتغلى ياترى شغل البيت بيخلص لا

ولادك بتهتمى بيهم ميه فى الميه لا

بتروحى للكوافير تقريبا مره فى السنه صح

بتكلمى امك واهلك وتوديهم لا

الغسيل المطبخ كل ده لا ينتهى

ولاكن الحل السحرى اللى هيخليكى تندهشى فعلا

هى الصلاه فى اوقاتها

يارب كل واحده قرت الكلام ده تنفذه لو فعلا عايزه تستمتع بحياتها وترضى ربها وتستغل عمرها صح